நிதி நிர்வாக ஆவணம் - 150 ஆண்டு நிதியம் 2026, யா/விக்ரோறியாக் கல்லூரி, சுழிபுரம்

யா/விக்ரோறியாக் கல்லூரி பழைய மாணவர் சங்கத்தின் 150 ஆண்டு நிதிய நிர்வாக ஆவணம்.

01. விடயதானம்:

இணைச்சங்க ஆவணம்

02. விடயப்பெயர்:

உலகளாவிய பழைய மாணவர் சங்கம்

03. விடயசார்பு:

யா/விக்ரோறியா கல்லூரி, சுழிபுரம்

04. விடயவிலாசம்:

பிரதான வீதி, சுழிபுரம்

05. விடய நோக்கம்:

உலகளாவிய ரீதியில் பரந்துபட்டு வாழும் பழைய மாணவர்களது ஒன்றுபட்ட உயர்சிந்தனைகள் ஆற்றுப்படுத்துவதன் மூலம் எதிர்காலத்தில் கல்லூரியானது சமூகத்துக்குப் பொருத்தப்பாடுடைய வெளியீடுகளை ஏற்படுத்திச் சிறப்புறத் திகழும். எனவே இதனை மையப்படுத்திப் பின்வரும விடயங்கள் முன்னிலை பெறுகின்றன.

06. செயலுறுநோக்கு:

6.1 கல்லூரியின் எதிர்காலக்கல்விசார் ஒட்டுமொத்த வளர்ச்சிக்காக உலகளாவிய ரீதியில் பரந்துபட்டு வாழும் பழையர் மாணவர்களது உன்னதப் பங்களிப்பினைப் பெறுதல் இதில் நிதி வளமானது முக்கிய வகிபாகமாக இருப்பதனால், அப்பங்களிப்பினைப் பெறுதலும் அதனை உரிய முறையில் பேணுதலும்.

6.2 கல்லூரி முகாமையுடன் இணைந்து தேவைகளை இனங்கண்டு முன்னுரிமை அடிப்படையின் மூலம் சங்க அனுசரணையுடன் செயற்படுத்தல்.

6.3 கல்லூரியின் வினைத்திறனை இலகுபடுத்தி இதன்பேறாக எமது கல்லூரியின் முழு வெளியீடுகளை மேலும் மிளிர்ச்சி பெறும் நோக்குடன் ஊட்டற் பாடசாலைகளின் கல்வி முன்னேற்றறத்துக்கு உதவுதல்.

07.நிர்வாகக் கட்டமைப்பு:

பொதுச் சபையினால் காலத்துக்குக் காலம் தேர்ந்தெடுக் கப்படும் தாய்ச்சங்க நிர்வாகத்தினருடன் கிளைச் சங்கங்களின் சார்பில் தலா இரண்டு / மூன்று பிரதிநிதிகளைக் கொண்ட கட்டமைப்பாகச் செயற்படுதல்.

08. கூட்டங்கள்:

8.1 உபதலையங்கம் (7)இல் குறிப்பிட்ட நிர்வாக ஆளணியினர் சங்க செயற்பாடுகளின் அவசியம் கருதி, குறித்த காலக்கெடு வழங்கி கூட்டம் கூட்ட முடியும்.

8.2 (8.1) இல் காணப்படும் விடயத்தினை தாய்ச்சங்கச் செயலாளர் செயற்படுத்துவார்.

8.3 உபதலையங்கம் (7)இன் கட்டமைப்பில் அங்கம் வகிக்கும் கிளைச் சங்கப் பிரதிநிதிகளின் வேண்டுகோள்களும் சீருடன் கருத்தில் கொள்ளப்படும்.

8.4 (8.2) விடயமானது தேவைகள், வசதிகளைக் கருத்திற் கொண்டு, அந்தந்த நாடுகளின் நேர வித்தியாச ஒருமைப் பாட்டுடன், பாவனைகளில் உள்ள தொடர்பாடல் முறைகள் மூலம் செயற்படுத்தப்படும்.

8.5 கூட்டத்துக்கான (8.1) பங்குபற்றல் நிறைவெண் (Quorum) நிர்வாகக் கட்டமைப்பு 7இல் அரைப்பங்கிற்கு குறையாதவராக இருப்பர். குறித்த அரைப்பங்கினர் கிளைச் சங்கத்தின் சார்பில் கணிசமான உறுப்பினர்கள் இடம்பெற வேண்டும்.

09. நிதி

9.1 உலகளாவிய பழைய மாணவர் அனைவரும் இச்சங்கத்துக் குரிய வங்கிக் கணக்குக்கு நேரடியாகவோ அல்லது கிளைச் சங்கங்களினூடாகவோ நிதியை அனுப்பி வைப்பிலிட முடியும்.

9.2 அனுப்பி வைப்பிலிட்ட நிதியின் விபரங்களை தாய்ச்சங்கப் பொருளாளருடன் தொடர்புகொண்டு உரிய பற்றுச்சீட்டினைப் பெற்றுக்கொள்ள முடியும்.

9.3 காலத்துக்குக் காலம் கூட்டப்படும் கூட்டங்களில் நிதி அறிக்கையானது வெளிப்படைத்தன்மையுடன் (Transparency) பகிரப்படும்.

9.4 இந் நிதியிலிருந்து 2027ம் ஆண்டு வரை (150வது வருடப் பூர்த்தி ஆண்டு) முதலையோ அல்லது அதன் வட்டியையோ எக்காரணம் கொண்டும் மீளப்பெற முடியாது,

9.5 வங்கிக் கணக்கின் வளர்ச்சி நோக்குடன் கணிசமான (ரூபா ...) தொகை சேரும்போது இப்பணத்தினை நிரந்தர வைப்பிலிடுவதற்காக மட்டும் மீளப்பெற முடியும்.

9.6 (9.5)இல் குறிப்பிட்ட வளர்முகநோக்கு நிதிகளும் இச்சங்கத்தின் நிதியாகவே பேணப்படும். இப்பேணுகையானது இதற்கென ஒதுக்கப்பட்ட வங்கிக் கணக்குடன் அது சார்ந்த தனிக்கணக்கும் பராமரிக்கப்பட்டு தொடர் கணக்கறிக்கையும் பேணப்படும்.

9.7 கல்லூரியின் 150வது ஆண்டு நிறைவின் பின்பான காலப்பகுதியில் இருந்து இந்நிதியின் வட்டிப்பணம் மட்டும் கல்வி மேம்பாட்டு தேவைகளுக்காக மீளப்பெற முடியும்.

9.8 (9.7)இல் காட்டப்பட்டதில் உடனடி அவசியத் தேவை (சிறு தொகைப்பணம்) எனக் கருதப்படும் பட்சத்தில் தாய்ச் சங்க நிர்வாகத்தினர் செயற்பட்டு, அடுத்துவரும் (8.1) கூட்டங்களில் ஏற்பட்ட தேவையின் விளக்கங்களைத் தெளிவு படுத்துவதற்கு இவ்வாணம் வசதிகள் ஏற்படுத்துகிறது.

9.9 (9.8) உட்பட்டதும், மேலும் பெரிய தொகை பணத்தேவைக் குரிய நிறைவேற்று விடயங்கள் யாவற்றையும் அக்கால கட்டத்தில் இயங்கும் நிர்வாகக் கட்டமைப்பே மேற்கொண்டு தீர்மானிக்கும்.

9.10 (9.9)இல் மேற்கொள்ளப்படும் தீர்மானங்களை நிறைவேற்றுவதற்கான பணம் மீளப்பெறுவதில் தாய்ச்சங்கத் தலைவர், செயலாளர், பொருளாளர் ஆகியோர் இடம்பெறுவர். இதில் பொருளாளருடன் தலைவர் அல்லது செயலாளர் இணைந்து செயற்படுவர்.

9.11 கல்லூரியின் 150வது ஆண்டு நிறைவின் பின்பும் அதாவது 2027ம் ஆண்டின் பிற்பாடான எக்காலப்பகுதியிலும் இச்சங்க நிதியின் முதலில் (Principal Account) இருந்து பணம் மீளப் பெறமுடியாது குறித்த காலத்தின் பின்பாக வட்டிப் பணம் மீளப்பெற்று கல்வி மேம்பாட்டுக்கு பயன்படுத்த முடியும்.

9.12 எதிர்காலத்தில் சந்தர்ப்பவசமாக ஏதாவது எதிர்பாராத காரணங்களால் கிளைச் சங்கங்களின் இயங்குநிலை பூச்சியமாகும்போது இதுவரை இதில் குறித்த நிதியானது முற்று முழுதாக தாய்ச்சங்கத்தின் கட்டுப்பாட்டுக்குள் தன்னிச்சை யாகவே உரிமைப்படுத்தப்படும்.

10. கணக்காய்வு

இச்சங்கத்தின் கணக்குகள் யாவும் ஒவ்வொரு வருடமும் டிசெம்பர் 31ம் திகதியில் முடிவுறுத்தி கணக்காய்வு செய்யப்பட வேண்டும். இக்கணக்காய்வினை மேற்கொள்வதற்காக பட்டயக்கணக்காளர் நிறுவனம் ஒன்றினைத் தேர்ந்தெடுத்து ஆய்வு செய்து, அதன் அறிக்கையினை சம்பந்தப்பட்ட கிளைச்சங்கங்களுக்கு அனுப்பப்படல் வேண்டும். இச்செயற்பாடானது தொடர்ந்துவரும் January 31ம் திகதிக்குள் ஆற்றப்பட வேண்டும்.

11. முடிவுரை

தாய்ச்சங்கமும், கிளைச் சங்கங்களும் இணைந்து தயாரிக்கப் பட்ட இவ்வாவண விதிகளுக்கு அமைவாகவே இவற்றின் செயற்பாடுகள் அமைய வேண்டும்,

குறித்த ஆவணத்தில் ஏதாவது திருத்தங்கள் செய்ய வேண்டிய ஏற்படின் இவ்வாணத்திற் காட்டப்பட்ட உபவிதி 9.11 தவிர்ந்த ஏனைய விடயங்களில் மாற்றங்கள் செய்ய வேண்டி ஏற்படின் தாய்ச்சங்கமும் கிளைச் சங்கங்களும் இணைந்து ஒருமுகமாக மேற்கொண்டு செயற்பட முடியும்.

இவ் ஆவணம் எமது இரண்டு நிர்வாக கூட்டங்களில் ஆராயப்பட்டு 16-04-2022ம் திகதி நடைபெற்ற நிர்வாக கூட்டத்தில் ஏகமனதாக நிறைவேற்றப்பட்டுள்ளது.

கையொப்பம் : தலைவர், யா/விக்ரோறியாக் கல்லூரி பழைய மாணவர் சங்கம் - சுழிபுரம்

கையொப்பம் : செயலாளர், யா/விக்ரோறியாக் கல்லூரி பழைய மாணவர் சங்கம் - சுழிபுரம்

திகதி: 20-04-2022